ဘာလိုလိုနဲ့
ဆောင်းရဲ့ ဖွင့်ဆိုချက်တွေ
ပြည့်တဲ့ အချိန်
သဇင်တွေပွင့်တော့ မယ်
ကောင်မလေးရေ
အတိတ်ကို သတိရတယ် ဆိုပေမယ့်
ပစ္စုပ္ပန်မှာ ငါ ရပ်တည်နိုင်ဖို့
သတိရခြင်းတစ်ချို့ တ၀က်ကို
စွန့်လွှတ်ရတော့မယ်
ဒဏ်ရာပေးခဲ့တာ မဟုတ်ပေမယ့်
ဝေဒနာဖြစ်သွားခဲ့ရင်
ခွင့်လွှတ်ပါ ကောင်မလေး
ဘယ်ပြကာ ညာကိုလှမ်းတာ
မင်းကောင်းဖို့ အတွက်ပါ
ငါ့ လို…
မဟာဗျုဟာမြောက် ချစ်ခြင်းတွေကို
ရင်နဲ့ အမျှ သယ်ပိုးထားတဲ့
တေလေလိုကောင်အတွက်
နောင်တတွေနဲ့ ရှင်သန်တာ
အကောင်းဆုံးဖြစ်ပေမယ့်
မင်းလို ပင်မြင့် ထက်က
အဖြူရောင်ပန်းတပွင့်အနေနဲ့တော့
နောင်တတွေနဲ့
ဘ၀ကို မရှင်သန်တာ
ပိုပြီးကောင်းလိမ့်မယ်ထင်ပါတယ်လေ……..။
မုတ်သုံ
No comments:
Post a Comment