လမ်းပေါ်မှာတွေ့တဲ့
လူတိုင်းကိုမေးကြည့်ရဦးမယ်
အချစ်ဆိုတာ ကိုယ့်ကိုကိုယ်
သတ်သေတဲ့နည်းတစ်မျိုးလားလို့
တကယ်တော့
အတိတ်ဆိုတာသမိုင်းတစ်ခုလို့
ပြောကြပေမယ့်
အဲ့သမိုင်းက ရင်ကွဲသမိုင်းဖြစ်နေတာတော့
နာစရာပေါ့….
ဒါကြောင့်ပြောတာပေါ့
စိတ္တဇနာမ်တွေနဲ့ မပျော်မွေ့ချင်စမ်းပါနဲ့လို့
အပြာရောင်တိမ်တိုက်တွေရဲ့
အနီရောင် ဆည်းဆာ
ပြီးဆုံးခြင်းကို ကိုယ်စားပြုလား
စတင်ခြင်းကို ကိုယ်စားပြုလား
မသိနိုင်ပေမယ့်
တကယ်တမ်းပြောကြကြေးဆို
သောကတချို့တ၀က်
အလွမ်းခါးခါ တစ်ခွက်နဲ့
ပန်းနုရောင်အိမ်မက်တွေ
တစ်ပွေ့တစ်ပိုက်နဲ့…ငါ…..
လက်ရှိရဲ့ အတိတ်ထဲမှာပဲ
ပျော်ဝင်ရင်းနဲ့ပဲ
လမ်းထိပ်ကဆိုင်က
မှန်တချပ်ပဲ ၀ယ်လိုက်တော့မယ်
မုတ်သုံ
No comments:
Post a Comment