အရင်တုန်းကပေါ့
ဒါဟာငါ့ကမ္ဘာပါ
ယုံကြည်မှုကို ကိုးကွယ်
နားလည်မှုကိုဦးညွှတ်ရင်း
မဝေးတော့တဲ့ အနာဂါတ်တစ်ခုလို့
ငါ…..မျှော်လင့်ခဲ့တာ။
အသိမဲ့နေတဲ့မှတ်ဥာဏ်
စီးဆင်းနေတဲ့သွေးတွေ
ခြောက်ခန်းလောက်အောင်ကို
ငါ မြတ်နိုးမိတာပါ
နံနက်ခင်းလေးရာ
ဘာမှမဟုတ်တဲ့ စက်ဝိုင်းတစ်ခုရဲ့အထဲ
ငါ့ဘ၀၊ငါ့မာန၊ငါ့သိက္ခာတရားတွေကို
အကျဉ်းကျစေခဲ့တာ….
ဒီအရူးရဲ့ အချစ်တွေလေ……….
ခုချိန်ထိ ရလာဒ်မကောင်းတဲ့ပွဲကို
ငါကစားချင်နေတုန်းပဲ
ဘာမှမရှိတော့ပါဘူးလို့
လက်မြှောက်ထားတဲ့လူဆီက
နင်ဘာလိုချင်သေးလို့လဲ
ဒါလေးတော့ချမ်းသာပေးပါ
ဒီအသက်ရှုခွင့်တစ်ခုလေးပါပဲ
အဲ့ဒါမှ……..
လက်ရှိရဲ့အတိတ်ထဲမှာ
အမြစ်မပြက်သေးတဲ့ဒဏ်ရာ
နေသားမကျတဲ့ အိပ်မက်တွေနဲ့ပဲ
ငါ့စိတ်ရဲ့ပင်လယ်ထဲမှာ
အနည်ထိုင်လို့ရမှာ မို့လို့ပါ……………။
မုတ်သုံ
မြို့
ပူလိုက်တာကွာ
တငွေ့ငွေ့နဲ့ငါ့ကို
သတ်နေတယ့် အရိပ်တွေ
အိပ်မက်တိုင်းမှာ
တစစီဖြစ်နေတဲ့
မျှော်လင့်ချက်တွေ
ဘာမှာဖြစ်မလာနိုင်တော့တဲ့
အောင်မြင်ခြင်းတွေ
မရေရာခြင်းတွေနဲ့
ဦးဏှောက်နဲ့ရင်ဘတ်ကို
ငါ…….သွေးခွဲခဲ့တယ်
အဲ့လိုနဲ့
ဗိုလ်ချုပ်ဈေးပလက်ဖောင်းပေါ်
လမ်းလျှောက်ခဲ့တယ်
တိမ်တွေလဲ ရွေ့နေစဲ……………..
ကွမ်းယာဆိုင်လည်း ပုံမှန်ပဲ
တစ်ထောင်ဖိုး ၃ခွေလဲ ရောင်းကောင်းစဲ
အပေါင်ဆိုင်မှာလဲ လူစည်စဲ
လိုင်းကားတွေလဲလူကြပ်စဲ
ငါဆိုတဲ့တေလေလဲ
ခုချိန်ထိ
အိပ်မက်စဲ………………………….။
မုတ်သုံ
အချက်ပြ
ငါ့ မျက်ဝန်းထဲမှာ
ဘာလို့စိုနေတာလဲ
အော်……
ငါ့နှလုံးသား နာနေတာပဲ….
ငါ့ အခန်းမျက်နှာကျက်တွေက
ဘာလို့ရယ်နေကြတာလဲ
အော်….
ငါ အထီးကျန်နေတာပဲ
ငါ့ ပတ်ပတ်လည်မှာ
ဘာလို့မြူတွေဆိုင်းနေတာလဲ
အော်…..
ငါယစ်မူးနေသလိုပါပဲ…..
နှုတ်ခမ်းဖျားတွေလဲ
တုန်ခါနေတယ်
အော်……
ငါ့ကို အမိန့်ပေးနေတာပဲ……
ငါရှုံးနိမ့်ပါတယ်
ပြင်ဆင်ချိန်တောင်မရလိုက်ပဲ
နာရီသံတွေထဲ ငါမောဟိုက်နေခဲ့တယ်
သေချာပါတယ်
ရက်စက်ခြင်းဆိုတာ
အချက်ပြကိရိယာမှ မပါပဲ…
ငါ…သေလို့ရပီလေ………..
နီတိ
No comments:
Post a Comment