သံပါတ်ပေးထားခံရတဲ့
အရုပ်တရုပ်ရဲ့ ရင်ဘတ်ထဲမှာ
သံချေးတက်နေတဲ့
အိမ်မက်တွေနဲ့
ပျင်းစရာကောင်းတဲ့
ရင်ခုန်မှုကိုထုဆစ်နေတယ်
ကမ္ဘာကြီးကတော့
သဘာဝမိခင်ပေးတဲ့
အင်အားတွေနဲ့ပြုံးနေတယ်
ဆိုးတယ်လို့အရောင်ဆိုးရင်
ငါ သောင်းကျန်းလိုက်တယ်
ရင်ခုန်ခြင်းဆိုတာအတွက်တော့
ဘာမှမလိုပါဘူး
မုသာဝါဒ နဲနဲ ရှိရင်ကို
ရင်ခုန်လို့ရနေတာပဲလေ
ကဲ ဒီယဉ်ကျေးမှုလောက်
ပျော်စရာကောင်းတာရှိဦးမလား
ဘာကိုမှမသိမ်းပိုက်
ဘာကိုမှမစွဲလမ်းတဲ့ ၀ိညာဉ်ဟာ
ငါပေါ့……….
အနာဂါတ်မရှိ
မျှော်လင့်ခြင်းမရှိ
ရည်ရွယ်ချက်မရှိ
ရည်မှန်းချက်မရှိတဲ့ ငါ့ကမ္ဘာမှာ….
နှလုံးသားအတုတွေနဲ့
မုသာဝါဒ နဲနဲများများနဲ့
ရင်ခုန်နှုန်းတွေကို
အရှိန်မြှင့်လိုက်ရအောင်……………
မုတ်သုံ
No comments:
Post a Comment